《功夫熊貓》第4集即將上映，今集好大機會係該系列嘅完結作品。而就喺上映前，Reebok宣佈與呢套有趣嘅動畫Crossover，合作推出一系列產品，其中包括融入動畫角色元素嘅鞋款。

今次《Reebok x 功夫熊貓》合作推出嘅鞋款為Club C 85經典鞋款，配色上因為配合《功夫熊貓》，所以顏色非常豐富，同時集齊「蓋世五俠」嘅元素，設計可以話費盡心思，其中包括毛絨質感呼應靈猴皮毛、鞋頭設計來自仙鶴裝束、鞋側竹葉圖案對應飛虎女道袍設計、鞋舌條紋則從猛螳螂骨骼結構汲取靈感、最後後跟綠色細節則為毒蛇鱗片。

另一款合作鞋款則有經典嘅Instapump Fury，今次設計從主角阿寶嘅穿著汲取靈感，黑、白及啡色為鞋嘅主要色調，鞋頭及後跟位置則選用白色絨面皮革，同時低調加入龍紋圖騰，象徵主角喺電影入面最終成為龍戰士的嘅意思，鞋面黑色細節則代表「功夫熊貓」嘅腰帶，同時在Pump氣位旁邊有阿寶同麵條嘅圖案，非常有趣。

除左呢兩對合作鞋款之外，仲有其他合作產品等住你去發掘，作為Fans嘅你就記得喺終結之前集氣，為阿寶嘅旅程畫上完美句號。