疫情再加上時下手機拍攝功能愈來愈完善，傳統數碼相機市場受到衝擊持續萎縮，日本相機大廠Nikon就傳將關閉位於日本的 2 個鏡頭工廠。剩下所有Nikon高階鏡頭集中係栃木縣(Tochigi)大田市最後一間本地工廠，高階以下的鏡頭就分流去泰國生產。2020年全球數碼相機出貨量跌左四成，數碼相機睇來已經變成非必要的奢侈品！

Nikon會唔會有機會頂唔住放棄生產相機業務呢？當然日本廠的轉化力量好強大，以柯達為例由菲林轉型做製藥係國際教材級的示範。Nikon係上年尾2020 年 11 月 5 日宣布，計畫係2022 年 3 月之前將海外員工人數縮減約 2,000 人，裁員比重佔海外整體員工人數（不含日本員工數）比重約二成，主因正由於智能電話抬頭加上肺炎疫情擴散，導致相機業務業績惡化。這！據知2020 年度第 2 季（2020 年 7~9 月）Nikon 影像事業（相機事業、包含數碼相機和更換用鏡頭）營運收益較去年同期大減 24% 至 393 億日圓，營損額為 193 億日圓（去年同期營損 15 億日圓）。

如今常見日系數碼相機品牌大廠計有 Canon、Nikon、Sony、Fuji Films及Panasonic等。如果日後有任何一間大廠唔再生產相機，相信攝影迷都會感慨萬千！