今季NBA重新回到自己球隊嘅球場進行主客場對決，相信球迷已經投入其中。而近日著名手機殼公司CASETiFY宣佈同NBA進行合作計劃，一系列嘅NBA產品正式現身，籃球迷今次真係大獲，又要破財啦。

今次CASETiFY同NBA合作，係透過「CASETiFY Co-Lab」創意計劃達成的，同時亦係計劃當中嘅首個體育組織。而合作推出嘅手機殼，唔少得梗係有NBA Logo剪影啦，另外亦有非常特別嘅籃球皮革版本，手感同拎住籃球非常相似。

而更令籃球迷定睛嘅，相信就係呢個以NBA總冠軍獎盃為設計靈感嘅限量版「Trophy Case」，因為佢係用18K金製成嘅手機殼，完全突顯總冠軍獎盃嘅貴重感覺，不過呢款殼只限iPhone 11同12系列，售價達到$7,800，相信你真係唔會想佢有保護你部手機嘅一刻。

除左手機殼之外，今次NBA系列仲有無線充電器同埋手機支架，NBA迷真係點忍！！