{ SKIP }
文:MenClub 艾力克  
POSTED ON 22 Jan 2021

大家對恐龍嘅印象嚟自邊到?係細細個睇嘅恐龍公仔書,定係《侏羅紀公園》?經典電影《侏羅紀公園》系列第六集《侏羅紀世界:統治霸權》於上年拍攝完成,原定打算喺今年6月上映,受疫情影響而延期至2022年6月10日上映。最近《侏羅紀世界:統治霸權》導演Colin Trevorrow喺訪問中表示,《統治霸權》將會串連5部前作,為《侏羅紀公園》系列畫上完美句號。

(圖片截至:IMDB)

Colin Trevorrow無劇透太多內容,只透露《侏羅紀世界:統治霸權》將會係整個系列嘅高潮。佢再指出,當觀眾睇完《侏羅紀公園》三部曲嗰陣,可能會搞唔清楚故事完整脈絡,因為當時三部曲採用「單元式」(episodic)敘事手法。但新三部曲就唔一樣,係一段具連續性嘅故事,當觀眾睇《統治霸權》嗰陣,會更了解整個《侏羅紀公園》系列故事發展。仲話如果有父母送比小朋友成套《侏羅紀公園》系列共6部電影,佢睇完將會感受到一個長篇故事。

《侏羅紀公園》第一集經典人物,從右數起分別Laura Dern、Jeff Goldblum、Sam Neil。(圖片截至:IMDB)

《侏羅紀世界:統治霸權》除咗有Chris Pratt同Bryce Dallas出演,仲有《侏羅紀公園》經典班底Sam Neil、Laura Dern同Jeff Goldblum,繼1993年《侏羅紀公園》第一集後再次同台演出。毫無疑問《統治霸權》將會係一部史詩級作品,為《侏羅紀公園》系列畫上完美句號,令人期待。

資料來源:ColliderNME
Bella Ramsey呼籲HBO真人版《The Last of Us》嘅Haters,如果真係咁唔鍾意套劇,就唔使勉強睇第三季,原著遊戲仲喺度,大家可以返去再玩一次。
hobby
【影視】Bella Ramsey回應《最後生還者》第二季爭議:討厭的話不必看第三季,可以回去玩遊戲
29 Aug 2025
曾執導《哈利波特》首兩部電影嘅Chris Columbus表示,當佢睇到HBO重啟劇集版嘅片場照,發現新版海格造型幾乎同電影版一模一樣時,心裡不禁質疑:「咁樣重拍有咩意義?」 ... ... ... ...
hobby
【影視】《哈利波特》原導演驚訝新海格造型毫無變化:這樣重拍有什麼意義?
29 Aug 2025