Rockstar Games旗下嘅《GTA》號稱遊戲界最熱門系列之一，每次出新Game都會造成遊戲界一番震動——但你係咪覺得個遊戲界好耐冇震過呢？冇錯，因為《GTA》系列最「新」嘅作品，已經係2013年推出嘅《GTA 5》，隔咗7年都冇出續作亦係系列之中最長嘅時間。不過近月就陸續有關於《GTA 6》嘅情報出現，最新傳聞就係話玩家可以於《GTA 6》操控女角。

For the first time ever in a GTA title, GTA 6 will have a playable female and male protagonist. #GTA6 #GTAVI

— Tom Henderson (@_TomHenderson_) January 10, 2021

《GTA》系列素來都係男人嘅世界，女角色唔係配角，就係只會於脫衣舞館等地方出現。但據曾準確預測《Call of Duty》系列消息嘅《Viral Junkies》 CEO Tom Henderson日前於Twitter透露，《GTA 6》將會首次出現可以操控嘅女角色。目前未知會係好似《GTA 5》可以切換不同主角推進故事，定係玩家可以選擇主角嘅性別。

Good things come to those who wait. One day we will all play GTA 6. I can't wait! It's going to be exciting GTA 6 getting teased & announced, Rockstar releasing trailers & information, artworks, characters & map and launching the game & GTA Online 2. #GTA6 #GTAVI pic.twitter.com/QPrmhVlDWg

— GTA 6 NEWS & LEAKS (@NEWSLEAKSGTAS) January 13, 2021

另外據Twitter用戶「GTA 6 NEWS & LEAKS」指，Rockstar Games將會公佈於PS5及Xbox Series X上發表《GTA 5 Enhanced Edition》及《GTA Online》，屆時預期會公佈埋《GTA 6》嘅預告，最快過多一兩年就會正式推出。