{ SKIP }
文:MenClub 艾力克  
POSTED ON 12 Jan 2021

隨著疫情影響加上觀眾睇片模式改變,近年日韓台愈來愈多影視製作人選擇將作品上架到全球知名影視串流平台Netflix,尋找更多觀眾。睇嚟未來趨勢都係拍Neftlix,大家唔洗再用「自己方法」搵餐死睇劇。今年日劇電影大爆發,多部作品於Netflix上映,日本電影及劇集迷要密切留意啦!

《今際之國的有栖》劇照

上年日劇《今際之國的有栖》引起一時佳話,連續多日佔據日台港排行榜冠軍,就連歐美地區排行榜都能夠見到佢嘅蹤影,見到人氣咁好,導演隨即宣佈「添食」開拍第二季,並於今年上映。

《幽遊白書》當年貴為《週刊少年 Jump》三大台柱之一,相信大家絕對唔會陌生。今年將會推出真人版劇集,我諗大家聽到動漫翻拍真人版,可能都會驚拍到「炒曬車」(你知啦,唔係咁多套可以有死亡筆記咁成功…)。但今次搵到曾經參與《全裸監督》踲坂本和隆擔任執行製作,加上《今際之國的有栖》製作公司ROBOT操刀,令人值得期待。

《サンクチュアリ -聖域-》演員陣容

以運動為題材嘅影視作品大家都睇唔少,排球、游水、打拳、足球、單車、空手道更甚至桌球應該都有睇過,但以相撲為題材嘅劇大家又睇過未?日劇《サンクチュアリ -聖域-》由《半澤直樹》編劇金澤知樹執筆,《庸才》人氣男星染谷將太、《全裸監督》女星小雪,以及職業格鬥家一之瀨亙主演,估計將會係一部非常熱血嘅作品。

滿島光將飾演女主角圖片截至:Netflix

近日Netflix決定翻拍宇多田光兩首金曲「First love」同「初恋」,你無睇錯係翻拍歌曲啊,將兩首歌真人化拍成劇集《First Love 初戀》。並確定由滿島光及佐藤健主演,由《出租天使》女導演寒竹百合執導及編劇,講述一對初戀情侶於90年末相遇相戀,最終因命運而被迫分開,20年後仍然難忘當年美好,再續前緣。

《新聞記者》電影版曾引起熱烈討論圖片截至:IMDB

當年日本電影《新聞記者》大揭日本政治黑暗面,引起日本廣泛討論,今次Netflix將攜同電影原班人馬開拍劇集版,由人氣日劇女星米倉涼子主演,預計又會掀起一陣討論熱潮。

《彼女》將由水原希子主演圖片截至:Instagram

至於電影方面,今年將會有《解憂雜貨店》導演廣木隆一執導新作《彼女》,由名模水原希子同佐藤穗奈美主演,故事講述一對女人如何為愛而踏上逃亡的旅程,電影主題曲由當代樂壇巨匠細野晴臣親自譜寫,營造有別過往愛情故事氛圍。

《浅草キッド》演員陣容

電影《浅草キッド》改編自日本鬼才導演北野武自傳,由康城影帝柳樂優彌主演,詮釋日本影壇傳奇北野武,後生嗰陣去東京淺草一間脫衣舞劇場工作,並與師父深見千三郎拜師學藝嘅心路歷程。

《今際之國的有栖》劇照

今年日本影視作品來勢洶洶,日本各位重量級演員及製作人紛紛加入Netflix行列,睇嚟喺亞洲市場有望「砌低」韓國,見到日劇再次興旺,最開心當然係觀眾,多咗選擇同作品睇,但邊嚟咁多時間睇啊!

資料來源:NETFLIX
你無聽錯唔係時光倒流,2021年今日我仲介紹緊電腦經典遊戲Counter-Strike: Global Offensive,真係有新野,有強大玩家推出左一個工作坊地圖模組,可以場場通過電腦隨機生成3,000 萬種不同的地圖,咁多年玩厭左CS的對 ...
hobby
【打CS啦!】《CS:GO》居然有地圖新模組隨機生成3,000萬種地圖鋪鋪唔同 ...
20 Jan 2021
有人話今年將會係電動車的年代,美國通用汽車就決定作出時代的跨越,以旗下品牌佳特力(Cadillac)率先推出一部馬上超越電動車的科技載具「飛行佳特力」eVTOL,係一部屬於科幻電影中的自動駕駛飛行的士 ... ...
hobby
【新車】美國通用汽車全新概念載具自駕飛天佳特力eVTOL
20 Jan 2021