相隔四年，繼《 報告老師！怪怪怪怪物！》後九把刀再次執導拍電影《月老》，日前公開首部預告片，除咗見到主角柯震東、王淨、宋芸樺之外，亦睇到台灣特效團隊水準有幾勁。

《月老》改編至九把力同名小說，耗時3年製作。故事講述主角阿綸喺求婚當晚慘遭雷劈而死，死後去到陰間對前世記憶一片空白，被迫做出選擇，一係投胎轉世，一係就擔任神職月老。阿綸就此選擇成為月老，穿越人間與地府，見證人與人之間相愛與牽絆…

被問到點解想拍《月老》，九把刀表示：「之前會害怕人死之後失去意識，然後對這個世界沒有感覺，也不確定靈魂是否真實存在，如果不存在是否所有的事情和記憶都歸零了？我在20年前寫的《月老》提供了每個人不同的世界觀，然後在陰間提供了一個可以累積陰德的神職選項，這樣就讓這個不敢碰觸的議題有了出口！」

電影中嘅紅線「黐立立」，九把刀喺Facebook表示：「愛情本來就黏黏的！」

（圖片截至：[email protected]九把刀）

《月老》預計將於今年暑假喺台灣正式上映，而香港上映日期暫時未有消息。據過往其他九把刀小說改編電影經驗，好大機會係台灣及香港同日上映，但究竟得唔得就要睇到時疫情狀況如何啦。

資料來源：VOGUE.TW