作為成年人，瀏覽色情資訊乃係人之常情，但點解集英社編輯會被口誅筆伐？近日集英社為慶祝《海賊王》1000 話舉行官方直播活動，直播途中集英社編輯用自己手機上網嗰陣，唔小心比人發現瀏覽記錄入面曾經睇過盜版H漫網站「EroCool.com」。

(網友見到集英社編輯睇盜版H漫網即刻截圖存證。  圖片來源：twitter@o_imatecha)

成年人睇色情網站並唔係啲咩作姦犯科嘅事，被人發現頂多係尷尬一陣。問題在於集英社近年一直嚴厲打擊盜版及同人網站，好多同人二次創作網站，甚至只係發放作品截圖都遭到舉報，喺中國更有漢化盜版海賊王漫畫譯者被捕。而今次集英社竟然賊喊捉賊，打住反盜旗號封殺日本國內外盜版網站，而自己員工就公然睇盜版先搞到咁大劑。

生配信ありがとうございました！
アーカイブ処理に少し時間かかっているのでYouTubeへのアップ、少々お待ちくださいませ…！????#ONEPIECE #ONEPIECE1000LOGS

— ONE PIECEスタッフ【公式】 (@Eiichiro_Staff) January 8, 2021

直播完結後官方即刻收起咗條片，表示需要時間處理，稍後再上傳到Youtube。但機警嘅網友一早cap曬圖，不少網友表示要編輯離職道歉，集英社呢獲真係水洗都唔清。