美國音響傳奇McIntosh聯同Jeep推出全新2021年 Jeep Grand Cherokee L美式吉普車，將超豪華藍色大銀幕McIntosh MX950汽車音響系統結合傳遞最有觀感的原音，聽歌唔駛返屋企，買部車週圍去都可以享受。全車19個喇叭十二個最佳發聲位置，950瓦推力無論聽覺定視覺McIntosh就係音響的美國夢，就係完整的HIGHEND感官體驗，到底有無人會為音響而想買一部車？我先舉手

2021年 Jeep Grand Cherokee L美式吉普車係第一款都係全球暫時唯一一款配備McIntosh MX950音響系統的量產車。車內有12個最佳位置配備19個喇叭，原廠話全車每一英寸都傳遞精確的聲音，美麗誘人的藍色標板配合17聲道放大器可提供高達950瓦的功率。講個係人都知的秘密畀大家聽其實音響大廠做家庭音響唔係搵大錢的項目，汽車音響先至係所有大型音響企業搵真銀嘅地方。McIntosh係汽車音響經年作戰，由1990年代生產OEM和售後配件至今 ，並主力為美國車廠包括Harley Davidson特別版和Ford GT 100週年紀念版開發知名的定制音響解決方案。實際上汽車業界以及高級hi-end音響廠之間嘅合作日益增長趨勢，過去音響廠做汽車音響係配件單頭為主，主要賣「量」。如今常常有全車定制高級汽車音響系統，賣埋超高質素highend。

2021年 Jeep Grand Cherokee L會係今年第二季先係美國上市，香港代理好似已經無引入Jeep車，講明我係音響迷唔係車迷！