當大家去到band房、錄音室、以致玩音響嘅家居都好容易見到一塊塊隔音棉，一般隔音除左隔音墊、隔音棉、隔音條、雙層玻璃甚至戶外公路隔音牆外，德國科學家搵到一種全新優質新隔音材料--「真菌」。研究人員利用實驗室培養的菌絲體，添加到稻草、木纖維等食品產業廢棄物基質當中，再將混合物當成 3D 列印材料打印成所需形狀，就成為最新又平又正的隔音物料，不過如果用係音響產業，就絕對唔會「便宜」，日後想建構強大聲學隔音裝置要留意住「真菌」隔音產品啦！

其實唔止影音樂器房，生活中都有好多煩人的噪音，噪音污染相信係任何一個城市都有的社會議題，所以但凡有良好可行隔絕噪音的隔音設備都會有巨大市場潛力，尤其係價錢合理的話。德國就有科學家研究一種新的隔音屏障物料，德國夫朗和斐協會（Fraunhofer）搵到密密麻麻、像羊毛氈一樣的菌絲體係阻隔噪音的好幫手。菌絲體係真菌的營養生長部分，由好多分枝的菌絲組成，研究人員將實驗室培養的菌絲體，添加到稻草、木纖維等食品產業廢棄物基質中，再將混合物當成 3D 列印材料印製成所需形狀。團隊指出，研究一開始係一個方形模型讓菌絲慢慢生長，成形之後再用高溫窯爐將真菌殺死，避免其一直成長，呢個殺除步驟好重要，否則真菌最多可以生長到一平方公里。團隊最後得出多孔結構，非常適合用作隔音，不單止物料本身完全由可再生、附合可生物降解，而且由於利用 3D 打印而成，仲可以透過最佳化內部結構來增強吸收聲音功能。因此絕對可以為商業影音隔音帶來新商機。

不過科學家依然需要研究，搵出邊種結構隔音效果最好。而且菌絲體材料研究廣泛唔單單局限於聲學，仲有可能會當作絕緣材料、人造皮革、編織物及可分解塑膠，應用係衣服、家具和電器外殼等各個層面，總之只要有知識真菌都係無限商機的寶藏。