Christopher Nolan執導、Christian Bale主演嘅《Dark Knight》三部曲，淨係計最後一部《The Dark Knight Rises》，距離依家雖然已經就黎十年，但相信喺唔少人心目中，《Dark Knight》依然係最好睇嘅蝙蝠俠作品。而本港著名玩具品牌Hot Toys最新亦重製咗當年推出嘅《The Dark Knight Rises》1/6蝙蝠俠人偶，以及電影中令人印象深刻嘅Bat-Pod。

圖片：Hot Toys

先講蝙蝠俠本體，與2012版 (DX12)相比，新版 (DX19)採用全高32cm、有超過30個可動關節、而且比起舊版更具肌肉量嘅素體，加上使用電影級物料製作、更具彈性及質感嘅全新蝙蝠戰衣，令人偶活動所擠出黎嘅肌肉線條更為像真。另外戰衣上嘅裝甲、紋理、腰帶、斗篷等都有所改良。

另外就係DX12只有「有頭盔」同「冇頭盔」兩個頭雕，DX19就有「有頭盔識光識郁」、「有頭盔對眼識發光」及「冇頭盔」三款，有頭盔嘅兩款亦能透過更換四款下半邊臉變成唔同表情。但個人覺得DX19嘅「冇頭盔」頭雕，Christian Bale個樣好似清靚白淨得滯。

配件方面，包括一支可以變形組裝嘅黏膠定時炸彈發射器 、一支內置LED亮燈功能的EMP電磁脈衝槍、一支勾爪槍、三個蝙蝠飛鏢及兩枚小型炸彈。(預訂價HK$1,790，預計2022年第2至3季推出)

圖片：Hot Toys

1/6 Bat Pod同樣係重製作品，比起舊款最大嘅改動就係用上黑銀色為車身金屬部份塗裝，令整體更具厚重感。除咗車輪可以轉之外，車尾右邊亦可以掛載EMP電磁脈衝槍，而架車嘅兩邊亦有LED燈。(預訂價HK$1,730，預計2022年第2至3季推出)