{ SKIP }
文:MenClub 魏文青  
POSTED ON 27 Nov 2020

雖然香港未有上映日期,但2014年3D動畫電影《STAND BY ME 哆啦A夢》嘅續集《STAND BY ME 哆啦A夢 2》已經於日本上映,當然相應嘅宣傳亦都已經見街,但其中一個本身好冧嘅報紙廣告,就因為一個署名而惹起爭議。

圖片:読売新聞社広告局

《STAND BY ME 哆啦A夢 2》係講大雄同靜香結婚嘅故事,而呢個一式兩份嘅報紙廣告,其實就係大雄及靜香對於結婚嘅心聲,咁大雄都係話成績差、唔大隻、覺得自配唔上靜香仲叫佢搵過第二個結婚 (容許我吐糟一下:冇_用!);而靜香就好溫柔咁話雖然你成績差、唔大隻但就係夠善良。如果你將份報紙背光睇嘅話,鄒可以見到佢兩個手拖手,哆啦A夢喺側邊守望嘅場景。

不過以上都唔係惹起爭議嘅原因。真正嘅原因係在於兩篇文嘅署名:大雄嗰篇呢,就咁寫「大雄 (のび太)」,而靜香嗰個呢,署名就冠咗夫姓,係「野比靜香 (野比しずか)」——你搵到個爭議點冇?

「靜香為大雄著想,但大雄就淨係顧住自己,睇黎靜香都係要照顧大雄一世,令人覺得非常悲哀。就好似睇緊活祭品一樣。」

卻說日本法例本身就要已婚夫婦要用同一個姓,通常黎講就會係女方改用男方嘅姓氏,但近年民間就一直有聲音,希望可以修改法例,令女方喺結婚後都可以保持原有姓氏,亦已經有政府部門容許已婚女性員工於執行公務時用返舊姓——簡單啲黎講背後就係性別平等嘅問題。但大雄及靜香署名上嘅差別待遇,就令到支持「夫婦別姓」嘅日本網民非常反感。亦有人認為大雄太廢,靜香嫁咗去之後就要照顧大雄一世,覺得非常淒涼。

一眾影迷等到頸都長嘅《Black Mirror》第7季終於有消息!今季探討嘅議題繼續緊貼時事熱話,包括人工智能、虛擬世界,電玩遊戲以及大量未來科技gadgets,並延續系列一貫暗黑風格。 iframe width="560" height="3 ...
hobby
【影視】人氣科幻驚悚劇《Black Mirror》第7季預告出爐!確定4月10日正式播出
14 Mar 2025
Christopher Nolan新作《The Odyssey(奧德賽)》正在希臘拍攝得如火如荼,最近網上就流出多張片場照,可以見到Tom Holland身穿全套戲服,全神貫注拍攝水上戲份。 blockquote class="twitter-tweet"p lang="en ...
hobby
【影視】Nolan新作《The Odyssey》片場照流出 Tom Holland造型首度曝光
14 Mar 2025