STK Workshop上年就推出由Lucas Film授權、1:1仿照電影拍攝模型嘅「Millennium Falcon」，售價破萬但依然大受歡迎，今年再接再勵，推出比例雖然「只係」1/2、但售價同樣破萬嘅「R2-D2官方復刻品」。

呢隻「R2-D2官方復刻品」同樣由Lucas Film授權，按照原作電影R2-D2嘅設計製成，除咗個樣同啲物料跟到足之外，連功能都還原得相當足。當然，你叫佢幫你開鎖、揸戰鬥機就一定唔得，但R2-D2個頭 (Btw，真係不鏽鋼黎)入面有內置鏡頭，影相拍片之餘仲有面部識別功能，而且成個頭可以自己轉；腳部就有摩打推動，加上紅外線障礙物探測)，以及有遙控、巡邏、聲控三個模式。另外內建全息投影機，可以重現電影中Leia及Luke嘅影像訊息，仲收埋咗Luke把光劍喺入面。

如果想擁有呢隻無論價錢同功能都已經唔可以稱為玩具嘅R2-D2，你可以選擇自行組裝，仲有分期付款減低大家嘅經濟負擔 (12個月月供，首期HK$199、後11期HK799；23個月月供，首期都係HK$199，後22期HK$399.5)。如果你擔心自己砌唔掂，仲可以一炮過畀HK$10,488成部抬返屋企；加多HK$1,000 (即HK$11,488)仲會有專人幫你做埋戰損。

順提一帶，以上所有價錢都係「新品限時優惠」，如果過咗呢，無論邊個方法都會貴HK$2,500左右。早買唔只平幾舊呀。