{ SKIP }
文:MenClub 摯樂  圖:互聯網
POSTED ON 17 Nov 2020
【山寨】中國恐怖遊戲《鬼哭嶺》開放試玩抄足《返校》風格

臺灣恐怖遊戲《返校》去年大熱,中國大陸又豈能輸蝕,近日中國遊戲工作室  StarWish GAMES照板煮碗創作出中國的恐怖解謎遊戲《鬼哭嶺》開放試玩,一睇遊戲風格完全等同《返校》,但人地成功關鍵在於國民政府戒嚴年代的白色恐怖,內地《鬼哭嶺》時代背景穿梭於1950年代同現代兩個時空,雙女主角被困於學校,故事可唔可以有任何大膽的社會時代背景配合呢?不過請循其本中國明明唔可以有鬼怪亂神遊戲,未推出故事都未明網上已一片篤灰通報之聲,希望《鬼哭嶺》真係可以係2021年成功山寨推出!

呢個由中國遊戲工作室  StarWish GAMES 開發的恐怖遊戲《鬼哭嶺》在 Steam 開放免費試玩版,要簡介呢個遊戲好簡單只需要講模仿 《返校》遊戲,好多遊戲迷就馬上明白呢個遊戲玩咩同風格方向。《鬼哭嶺》是一款以中國嶺南地區都市傳說為題材的恐怖解謎遊戲。故事講述九十年代一名在校女大學生,無意中捲入了一個都市傳說之中,被困學校的她,迎接她的真相即將是…

遊戲採 2D 平面展現,最新釋出試玩版遊玩時間約半小時,不過即使玩完都無法了解到故事本身全貌,詳細謎團故事要等待遊戲如果真係有機會正式上市先知道。試玩當中提到羊城日報資料可以理解為事發於廣州,但無里頭又話1950年宵禁通知,我歷史知識不如香港歷史科教師,但1950年得台灣有宵禁,而香港1956年後因為雙十暴動又有宵禁過?大陸當時1950年邊度有宵禁??個故事到底有咩野社會現實背景??難道玩虛構事實平行時空?不過如果無特別破格的故事,相信此作都係咁先,只會淪為山寨作品。《鬼哭嶺》預計係 2021 年推出。

如果依家你有套戲想睇,你嘅第一反應可能唔係睇下戲院仲有無上、DVD出咗未,而係上網串流平台有無提供。反正依家有咁多個平台,總有一個會解決你問題吧?對於唔少人黎講,呢個改變可能屬於「方便」嘅範疇,不過HBO M ...
hobby
【影視】HBO總裁指太多串流平台混淆觀眾 然後宣佈未來加價及打擊帳戶共享
12 Sep 2025
Glen Powell表示,Chris Pratt在《Guardians of the Galaxy(銀河守護隊)》嘅演出,改善咗荷里活男主角必須嚴肅或陰沉嘅形象,令業界開始接受男主角帶點俏皮同輕浮嘅態度,間接幫佢開闢咗成為電影明星嘅道路。 ...
hobby
【影視】Glen Powell大讚Chris Pratt「星爵」改變了荷里活男主角形像:不再陰沉嚴肅,可以輕浮俏皮
11 Sep 2025