Walkman一詞係歲月的反映，實際上仲有好多人鐘情使用音樂播放器隨身聽歌，尤其近年流行耳機熱潮。隨身音樂播放器林林總總一般認為最重要係音質，不過美感同品味都係其中一個重點，英國獨立搖滾樂手、唱片藝術家兼圖形設計師的 Tom Vek，近期就發動左一個眾籌項目“Sleevenote”。產品非常型格，特點係採用四四方方7吋巨幕以顯示唱片封面作為召喚，感覺係揸住張唱片喺手，兼顧數碼音樂的便攜性同傳統唱片音樂手感加上新世代觸控操作，品味型格就係Sleevenote特點，講真確係幾靚仔，不過同揸住部ipad聽歌有咩分別呢？

呢個播放器擁有方方正正的複古唱片造型，支援藍芽或 3.5mm 耳機輸出。播放器將預裝定制Android 移動操作系統，支持 Spofity / Apple Music / bandcamp 串流媒體音樂平台以及直接播放儲存機內音樂檔案，兼容 MP3 / AAC / FLAC / AIFF / WAV 等不同文檔格式。

Sleevenote 的設計理念，係發明一款兼顧數碼音樂的便攜性，同時展示用戶最關注的專輯封面的播放器設備。呢個設備目前已完成概念化，通過與實體按鈕配合使用（專用的播放按鈕），旨在讓用戶界面（UI）遠離藝術品。概念設計具有註塑成型外殼，且帶有“舒適的圓角邊緣”，體積較傳統的 CD 盒略大，同舊式七吋黑膠唱片相若。除了實體按鍵，Sleevenote 也提供優質觸屏互動操作，內置 250GB 數據存儲空間。可以藍芽連接也可以用有線接駁耳機或耳擴聽歌。

如果你相信品味就是一切，型格係生活追求，呢個Sleevenote 隨身音樂播放器值得追捧，不過眾籌價格去到約5000幾港幣，生活品味同質素確實係靠金錢去體現，有料的可能會買Sleevenote享受音樂嘅樂趣，平民如我就可能買部iPad Air求其聽歌用途多。