作為一個現代人，大家一定有試過一路用電話電腦煲劇一路食飯；而好理所當然地，大家亦一定試過食完之後發現啲湯汁彈到週圍都係。如果想避免呢個情況，除咗唔拎電話、唔喺電腦前面食飯之外，仲有咩方法？日本廠商就設計出呢個「杯麵湯汁擋」啦！

圖片：Value Press

其實呢個湯汁擋就冇咩高科技嘅成份，說穿了就係一個類似硬皮文件夾嘅物體，入面再加個可以打橫放到部電話入去嘅透明膠袋。每當你想煲住劇黎食飯時，就打開個文件夾、攝部電話入個膠袋到先開始食，咁就既可以煲到劇，個文件夾又會幫你擋哂啲湯汁，唔使怕整到週圍都係。簡單得黎又似乎幾有用。Amazon賣緊2,178Yen (約HK$160)。