打邊爐靠個爐，做晶片就靠光刻機，美國係特朗普圍堵政策下將最先進EUV 光刻機技術封鎖無法出口中國，晶片革命成為中國下半年重大命題。上星期中國國際進口博覽會，荷蘭半導體巨頭 ASML現場向中國展銷成部最先進浸潤式 DUV光刻機，據稱一來是其專利技術唔需要美國批文，二來最高可以用於7納米晶片制程，雖然未係最先進的EUV光刻機，但ASML表示對全球一視同仁，出口中國係常持開放態度，甚至最強EUV光刻機都只需要等美國批准就可以有交易，成部DUV光刻機已經搬左去中國博覽會現場，中國集成電路行業前景肯定一片光明，看來一星期光景世界已經完全唔同哂！

日本 Nikon、Canon 和荷蘭 ASML係世界三大光刻機製造商，ASML 光刻機享譽全球，台積電都係用佢的機器才能讓晶片有長足的進步，以最強被禁售中國的EUV光刻機計，2019年 ASML全年出貨量為26部，其中有近20部EUV光刻機交貨晶片一哥台積電。中國現場展覽嘅係一部最先進浸潤式 DUV光刻機，同EUV光刻機唔同，DUV完全由ASML獨家研發，唔需要美國批准出口，暫時技術浸潤式 DUV光刻機未係最先進最多只能製造出7納米門檻，而且成本極高，成品良率也唔穩定， DUV 的深紫外光波長近 193 奈米，技術上透過液體浸潤多重曝光後，可以縮小同EUV線距，但以成本同成效計都及唔上EUV光刻機。然言對中國而言，做晶片不計成本，高成本唔係最大的問題，最大問題只係造唔造到出來！

其實今年ASML向中國發貨的光刻機，已經佔公司全球出售總機數兩成，當然並非最先進的機器。過去30年ASML已為中國提供了700幾部裝機，涵蓋了ASML公司絕大部分類型產品。至於話題重點能夠生產iPhone12所搭載的5納米晶片的EUV（極紫外光）光刻機，ASML就明確指出必須跟從法規等待荷蘭政府批出向中國出口的許可證。ASML強調，係遵守法律法規的前提下對中國同樣保持開放態度。「我們對全球客戶都一視同仁，只要是我們能夠提供的技術和設備，我們都會全力支持。」

中國的晶片發展有慢慢長路，但買最先進的光刻機，甚至買起成間ASML公司對中國而言都係輕而易舉嘅事，等待的就只是一個批文同一個准照，2021年好可能一切順利的話，中國自建晶片一跳就研發上7納米製程，進步之大可能係「拜登點票式」。