我諗唔少70、80，甚至90後都一定對《勇者系列》嘅卡通唔會陌生，除左因為卡通片之外，之後不斷推出嘅《機械人大戰》遊戲作品亦絕對係保持長青嘅原因之一。而原來《勇者系列》誕生已經30周年，BANDAI又點會放過呢個機會推出《勇者系列》嘅產品呢？

要數《勇者系列》當中最受歡迎嘅相信必定係《勇者王GaoGaiGar》，不過今次30周年首先推出嘅產品分別為《勇者凱薩》勇者EX凱撒、《太陽勇者》武裝火鳥合體、《勇者傳說》泰丹Ｘ、《勇者特急》特急勇者強者加爾，並且附上4部機體嘅武器: 凱撒之劍、火焰之劍、泰丹劍、動輪劍。

今次「勇者列傳COLLECTION」每款勇者都為65mm高，可動部份為上半身，包括頭部及雙手。而第二波已經製作當中，其中GaoGaiGar相信係大家最為期待嘅一款！