2019-2020絕對算得上係NBA歷史上最困難嘅球季之一，而作為NBA史上最年輕MVP嘅Derrick Rose，其生涯亦都係大起大跌，困難重重，但呢一切都無阻佢繼續喺球迷眼前展示天賦及球技。

2019-2020球季，Derrick Rose效力活塞期間表現依然搶眼，而adidas Basketball繼續同Rose合作推出全新嘅D Rose 11，6款顏色同佢嘅表現一樣搶眼，同時功能性亦保持出色，並以「READY FOR SPORT」作為口號鼓勵大家於疫情期間繼續保持強健體魄，當疫情過後大家可以與玫瑰一齊綻放。

今次全新嘅D Rose 11，6款顏色分別配備全黑、螢光綠拼黑、紅拼黑、白拼黑、藍拼白、米色等配色，外型選用中高筒設計，中底以輕巧LIGHTSTRIKE材質打造，增強爆發速度；鞋跟配上TPU材質，外底則為橡膠，提供足夠穩定性及抓地力；鞋面為adiZero，大幅減輕鞋身重量，提升球員速度。

D Rose 11細節上亦非常有心思，除左鞋跟位置配上標誌性玫瑰圖案，旁邊亦印上「Rose 11」字樣，鞋墊亦印上「FAST DON’T LIE」，極具風格。而其中紅拼黑配色，其鞋舌背印上Rose母親名字「Brenda」，增加獨特性。