疫情之下經濟下行，唔少人可能都要要放下No Pay，扣下人工，甚至被逼轉工，而呢個時勢要搵工呢，就真係幾令人沮喪…咁反丕正都係要轉工，有冇諗過去做啲你好有興趣嘅嘢？剛剛於尖沙咀K11 Musea開業嘅LEGO室內主題樂園「樂高®探索中心」就請緊全港首位模型拼砌達人啦！

據官網所講，呢位「模型拼砌達人 (Master Model Builder)」會負責場內一切LEGO模型嘅維修，以及創作新LEGO模型，同時亦要負責對外溝通工作，同時由於個樂高探索中心本身係針對3-10歲小朋友，所以個人建議你要有返咁上下鍾意小朋友。只要你年滿18歲，就可以於官網上報名參加，然後於11月21日參加「Master Model Builder終極大賽」，於限時內創作出自己嘅樂高模型，最後選出五名參加者進入決賽，再由評審團從中選出優勝者，亦即香港樂高®探索中心的首位模型拼砌達人。

值得一提嘅係，香港著名樂高大師、曾經接受我哋專訪嘅LEGO Certified Professional 洪子健會係評審團之一。換言之佢唔會落場同你爭。

資料來源：LEGO