上兩個月，BANDAI SPIRITS曾經預告過會推出RG級嘅1/144自護，而到今日就終於公佈將於2021年1月正式推出。

RG 1/144自護主要分成兩Set產品，第一係1/144自護本體 (6,050Yen)，有著極為精密嘅刻線、機身標誌多個層次塗裝，機體關節探用內藏設計，提供高可動之餘亦令機體展現更多細節。頭部嘅單眼亦能左右移動。另外前臂亦可如原作中分離，並用導線連接機體。

第二就係分開發售、比起部機都仲要貴 (9,900Yen) 嘅效果部件。一方面可以重現自護裙腳、前臂噴射器及加農炮嘅效果，另外亦可以建構出原作中最後一幕，阿寶向天射爆自護個頭嘅一幕 (RX-78-2另外發售)。