航空業不景氣，各地處處航空自救，最大借鏡來自學習台灣，台灣星宇航空話題性「偽出國」大成功，香港可否學習照辦？台灣偽出國背景係世界名地疫情處處非常危險，台灣作為世界最安全堡壘，無法外遊不得已在自家空域飛一轉，著陸下來又回到安全的家門。香港呢？自美夢再不可尋求我便學會清風兩袖，座飛機等待一種鄉愁，就是飛不到日本的時候，有機會上空睇睇我的地頭，就當我在外地旅遊！著陸下來我還是在香港，沒有比這更大的反差，諗諗下有得做，快回到搶購廉航的往昔座一轉 UOFlycation，玩一轉飛行停留，就像香港一樣，飛行停留一下，窮則變變則通，建議再搞一場首輪電影航班，飛一轉全機一齊睇場戲！ UO無免費飛機餐，無戲睇，無叉電？Sorry......

香港快運（HK Express）推出疫情下各地酒店盛行的Staycation變奏之航空「UOFlycation」，將會係11月推出3班香港自家飛行的航班，全程1.5小時，享受乘搭廉航帶嚟嘅樂趣。計劃航班編號「UO1800」，第一階段率先係11月1日（星期日）、7日（星期六）及8日（星期日）推出3班環繞香港飛行航班，下午2點半出發，4點著陸回家。HK Express會派發禮品包畀參加的乘客，有航空公司旗下航點的特色禮物，又有遊戲玩，有空中觀景欣賞美麗新香港，開開心心座飛機！如果遇到氣流都會係真實體驗，非常值得好想搭乘飛機的朋友留意參加！不過詳情及票價仲有待公佈。