智能電話已經成為呢一代的生活必需品，無線充電已經發展多年，雖然未算完全普及但絕對唔陌生，不過時下無線充電運作距離有限，電話依然要放係充電感應裝置上，有無更快更方便無線充電技術？有，就係華為身上！華為早前注冊左一項新專利雷射無線充電技術，可以長距離無線充電，簡單講就好似打機鐳射塔，手機有接受器就可以接收鐳射叉電，感覺科幻，相信都係中國廠商先敢注冊研究，你擔心鐳射有無危險會唔會傷眼甚至射到人？傻豬好人好姐奉公守法駛咩驚，塔防遊戲激光都係只射怪獸！只要過左今年11月，華為有50%機會翻身！！鐳射充電將大派用場！

華為呢個專利充電技術比你想像中行得更遠，佢可以透過安裝係房間天花板的無線充電雷射發射器，發射肉眼睇唔見的雷射光束，然後同時對房間中的多台裝置進行充電；而相容技術的手機或是無人機之間，也可以透過雷射互相分享電力；此外華為的專利也包括了眼部保護措施，當裝置辨認到雷射光的路線上出現人眼或動物眼時，就會暫時關閉雷射以保護眼睛。不過要做到呢項技術，除左要有特別的雷射發射器以外，手機或是其他裝置上也需要有雷射接收器，用來吸收雷射光先至可以轉換電力，有點類似小型太陽能板的概念。而華為表示，他們目前並無決定這項技術的充電速度以及最多可為幾台裝置同時充電，不過華為表示此項技術可能會係未來兩至三代的智慧手機上實現(如果仲有新一代華為智能電話！)。

大家係咪好期待華為的神級新科技呢？只要耐心等待，可能11月就有轉機，你而家睇到華為的困局，未來大可能不一樣，倘有50%機會，轉危為機，特朗普都變拜登，華為好有希望，鐳射充電好有希望實現，香港好有希望..................用華為新科技！