英國音響品牌KEF宣布將會應用一個全新的革命性吸音技術Metamaterial Absorption Technology （MAT），一種全新合成材料，放入喇叭箱體當中作為吸音材料，據說有超強吸音能力，可以形成一個聲學黑洞，吸走99%雜音，比傳統放羊毛等吸音料60%好好多，可望做出清澈無與倫比嘅聲音。一般音響都係從喇叭單元、分音等革新喇叭，由吸音物料去改革的唔多，作為一個聲學或音響迷，肯定會好奇出來到底係咩野「革命」靚聲，新款的KEF喇叭KEF LS50 Meta絕對值得期待。

Metamaterial Absorption Technology （MAT）其實一早已經應用係光學同電磁學工程領域，並唔係如何獨特的新科技，不過用係音響學就確係第一次。KEF據說用左兩年時間研究，並會將新的合成材料用係即將推出的喇叭新型號箱體當中作為吸音材料。據廠方明確指出，利用MAT呢種合成材料可以減少失真同防止音頻雜訊干擾。

就咁講，可能大家未必明，小弟不才並不是聲學專家，但都試試解釋一下。一般喇叭驅動聲波係單元向前活塞發出聲音，但喇叭前後的活塞運動會向後產生回波，大多數的喇叭機箱內都會添加諸如發泡膠或纖維、羊毛之類的吸收性材料，以減少喇叭箱體內部累積的駐波的負面影響。而KEF就係指佢地使用左新的「合成超材料」擁有天然吸音料無的特性，廠方就可以根據新吸音特性更精確針對一定範圍的頻率進行吸收並提高效率。

新聞稿指出MAT係一種高度複雜的迷宮狀結構，其中每個複雜的通道都可以有效吸收一定範圍的特定頻率。組合埋一齊後通道充當一個聲學黑洞，吸收左99％的有害聲音。其他傳統方法僅達到大約60％的吸收，因此產生的聲音質量無與倫比。分別係一耳聽得見的。”第一款使用呢種新吸音的喇叭將會係旗下書架喇叭KEF LS50 Meta，非常值得令人期待。

如果大家同我一樣對呢個新材料新方法有興趣，有閒情可以睇睇科學家的實驗同解釋，當學下新知識，如果係呢個新喇叭吸音特定下，聲音反相喇叭前後活塞作用反轉，咁唔知吸音後出來反相的聲音會係點呢？十分期待，音響就係用耳玩的聲音玩具，其實都可以好好玩！大家有閒情不坊都來玩下音響。