平價永遠係皇道，因此Google Chromecast媒體串流裝置出盡都有後代，全新款式據說將會係10月1日年度 Made by Google 發表會正式推出，但德國網站 WinFuture.de已經爆出產品細節，呢代將會連一個無線遙控器，方便直接操控YouTube，Netflix及Google Assistant，用Chromecast插入電視就可以方便盡享網絡串流影視播放，代代都話呢個可能係最後一代，但價錢平只售3幾百元出極都有市場！今代仲可能全面升級變成 Google TV 電視盒！

用過Chromecast的朋友應知道，Chromecast的確幾好用，不過好多人都會覺得未來新電視全部有自己APPS，點會仲有人用Chromecast？？但實際數據就係有人買，有市場，所以出下又一代出下又一代。今代開發代號為「Sabrina」、預計可能改名稱為 「Google Chromecast with Google TV」 ，將會延續上一代設計，外觀變得略大少少，依然搭載 HDMI 連接埠用於連接電視。不過據 WinFuture.de 的報導揭露，這款裝置更有可能增添專用的遙控器。

(第三代)

由 WinFuture.de 取得的圖片睇到遙控器正面至少就有 8 個實體按鍵，包括 YouTube 與 Netflix 的專用按鍵，以及喚醒 Google 助理的按鍵。頂端雙圓形處應可按壓，可能用於操作影片播放、暫停以及往上下左右不同方向點選；側邊還有 2 個按鍵，可能用於調整音量大細。據傳新款 Chromecast 採用 Android TV（有傳聞稱未來更名為 Google TV）系統與遙控驅動的 UI，產品更接近市面上的 Android TV 電視盒、以及蘋果的 Apple TV 等，而不再只係過去以手機或電腦投影畫面到大螢幕的裝置。

(第一代Chromecast)

 

新款 Chromecast 據說售價可望定價為 49.99 美元，貴過目前第三代Chromecast 的定價 29.99 美元，外觀至少有 3 種顏色選擇。相信最詳盡細節10 月 1 日凌晨由 Google 官方揭曉。唔知大家認為Chromecast 會繼續成為有人買的雞肋定變成新款極貝競爭力電視串流產品？