今日係哥哥張國榮64歲冥壽，環球唱片將哥哥於環球年代嘅名作重新製作，成為《REVISIT》專輯，其中以《春夏秋冬》重新改編而成的《春夏秋冬 A Balloon's Journey》已經上架。

圖片：環球唱片

《REVISIT》專輯由當年與哥哥合作無間的音樂監製梁榮駿 (Alvin Leong)、以及唐奕聰 (Gary Tong)及C.Y. Kong聯手製作，當中包含12首歌曲，全數來自1993年至2003年哥哥於環球唱片推出嘅六隻大碟，並經三位製作人重新編曲，甚至有啲歌係回到作曲時嘅編曲，加上今年為寶麗金50週年，於是以「探望老朋友」的心態，命名為《REVISIT》。

第一首公開的《春夏秋冬 A Balloon's Journey》由Gary 重新改編、Alvin擔任監製，當中包括哥哥當年收錄，但從未曝光嘅新聲帶。