日本教材玩具廠 アーテック同 Capcom 合作，推出類型LEGO自砌洛克人手砲玩具同時學習基本STEM編程，完成後可以搭配相關跟機遊戲《洛克人》作體感控制測試，玩具係日本集資網站 Makuake 開始眾籌幕集，讀書都要讀得有創意，一於入貨買畀你個仔。問題係新一代可能要等《洛克人》拍緊個套全新真人版電影推出先識呢個動畫角色。

呢款教學玩具名為「製作洛克人～史上最大的編寫程式計畫」，基本適用於小學年齡的兒童，透過類似玩遊戲的方式，可以一步一步組砌出一個可移動、跳躍、攻擊的洛克人，軟體不單止有搭配教學書，仲有藍牙的體感裝置，讓學習編寫程式過程開心有趣絕不沉悶，而且可以簡單的驗證編寫的程式係咪正確。

據廠方話除左洛克人手砲套件外，未來仲會計畫推出洛克人哥哥布魯斯的盾牌與布魯斯破壞砲，以及威利博士的遙控坐艙等套件。日本社會近期有一種世代的矛盾，覺得老人一代一味將自己過去輝煌嘅遊戲動漫畫強行塞落新世代當中，年輕人跟本就唔明跟唔到，而當中最憎老一輩話呢套漫畫或遊戲一定要推薦睇下，結果引來反感，當中最明顯例子係中老年人覺得必然推薦的「男兒當入樽」！呢個洛克人手砲小學生應當新遊戲角色要重新認識下。