科技改革生活，以後「日日叉電」可能成為歷史，美國加州新企業 NDB利用原本讓人驚恐的核廢料研發出安全環保實用的「核廢料電池」，有望取代鋰離子電池，而且可能10 年至 2.8 萬年都唔駛充電，電能神奇源源不絕，仲要比鋰離子電池更加「平價」。你準備好未，迎接核廢「納米鑽石（nano-diamond）電池」，由石墨慢化反應爐中的石墨核廢料製作。

據了解，石墨核廢料中含有大量放射性同位素碳-14，其中碳-14 較不穩定，它會經過 β 衰變、轉變為氮 -14 原子，而係蛻變過程當中會釋出 β 衰變電子、反微中子。NDB公司就將碳- 14 石墨核廢料純化並製造出微小的碳- 14 鑽石，鑽石結構可以當作半導體與散熱器，用來收集並傳遞電荷。睇到呢度係咪覺得好簡單自己都好像物理學專家呢？簡單來講納米鑽石電池就係利用上述的理論同特性形成電池，與其話係電池其實可以講佢係微型發電機，因為佢理論上唔駛充電核廢料用盡前源源不絕提供放射能量。

NDB公司團隊話非常安全有信心唔會有放射性污染等問題，佢地話可以做出無放射性的碳-12 鑽石外殼，可以防止輻射外洩，也可以用作超級硬的防護盔甲，做成電池完全無懼各種撞擊，成品電池輻射比人體仲少。團隊可以將納米鑽石材料層層堆起之後，再同微型整合電路板、小型超級電容組合後，就能分別設計製成 AA、AAA、2170、18650 等各種唔同的電池。未來納米鑽石電池應用可以好廣泛，智慧手機、電動車都用得，仲可以用話植入式醫療儀器供電核心，例如Elon Musk上星期展示的Neuralink第二代人腦晶片等等。

根據NDB公司創辦人 Neel Naicker 舉例，如果 iPhone 使用呢種電池，雖然電池大小同原本的鋰離子差不多，不過就唔需要每日幫手機在充電，可能只需要一星期一次、一個月一次甚至發展到幾十年充電一次，即係一整代電話都唔駛充電，如果用於電動車上，可能可以90年內依然維持超高功率密度。 未來技術一但成熟，理論上依照電池應用，壽命將長達 10 年至 2.8 萬年。絕對係科技的超大突破，不過暫時都係NDB公司佢自己發佈「吹」出來，好彩的係呢間唔係中國新創企業無集資無上市大計住，希望唔係騙局。