世界上的專利侵權案就好似「愛回家」連續劇，像極了愛情。上個月美國耳機大廠Koss就向蘋果提告話Apple 旗下 AirPods、Beats 無線耳機無線連接技術侵權，今日蘋果的反擊係我訴告你的訴訟，蘋果話我無侵權但告你違反保密協定！總之贏官司得賠償，先過三關打贏蘋果法律團隊！商業社會堅過《半澤直樹2》！

耳機廠Koss指控蘋果侵犯旗下無線耳機技術五項專利，主要同無線傳輸有關，不過蘋果的法律團隊都相當強大，你告我，我反擊，除左嚴正否認外，仲加控告返你Koss違反雙方簽訂保密協定，正式提出了反控訴。

介紹返Koss成立於1958年，係世界上第一個「立體聲耳機」即掛耳式耳機的製造商！根據網媒 Patently Apple 報導，係 2017 年 Koss 搵蘋果討論無線專利授權相關事務，當時討論的範圍好廣泛，不過 Koss公司堅持要蘋果簽保密協議，以確保雙方日後討論的技術任行專利都唔會產生訴訟。不過故事的發展就係Koss話蘋果侵權偷用佢無線技術。

蘋果於是出絕招公開Koss主動簽過保密協議，當然清官難審商業事，到底邊個真邊個假，份保密協議係咪蘋果陰佢一鑊 。呢度係法庭，唔係用眼做證據，加洲法院將會審理呢個反控訴違反保密協定案，然後原本單 蘋果侵犯版權，德洲法院好可能會等埋 法院判決結果先至再繼續Koss提出的控告，關鍵在於如果蘋果贏左反控告的違反保密協定案，Koss基本上就輸哂！

呢單野話比大家知，法律多變非常好玩，不過通常團隊愈大錢燒愈多，贏面就愈大，美國的遊戲規則雖然公平公正公開，都通常都係窮人含恨 。當然Koss都係耳機界阿公，爛船都有三斤釘都唔係小i機械人之流！不過無論結果係點最後用家都係會買返 AirPods、Beats 無線耳機。