唔知係咪大家掛住玩其他波，唔得閒睇籃球，搞到禮拜日舉行嘅NBA一年一度明星賽，竟然成個facebook都冇人提！不過睇返今日嘅報導，大部份都講今年明星賽得分雖高(最後比分為163:158，西岸勝)，但場面其實好唔緊湊，冇咩漂亮組織，仲可能有啲悶添！

之但係咁，一套再爛嘅片都剪得出一條呃到你透嘅預告，咁一場明星賽又點會連一兩個精彩鏡頭都冇呢？例如以下呢個由Kyle Lowry交比大帝LeBron的拆你屋背籃反手入樽咁，淨係睇呢條片係咪覺得賽波好似好好睇咁呢？