自細就聽過傳說睇過改圖話KFC養的係基因改造雞，當然呢個只是謠傳嘅都市傳說。不過最新消息真確無誤美國肯德基KFC為左尋找次世代肉類替代方案，宣佈同俄羅斯一間3D生物打印公司合作，以「未來肉」為概念核心，開發出一款3D生物打印炸雞。打印雞利用雞肉細胞、植物原料製作成人造炸雞，最快今年秋天可作最終測試。係未來最環保可持續發展供應還原雞肉原味的新產品，係真正用細胞3D打印的肉類，咁如果成功大家其實可以用3D打印魚翅海味，甚至未來可否3D生物打印野味出來，好快大家就可以吃到3D生物打印肉類！We Print Chicken Right！

肯德基同一間與俄羅斯3D生物打印公司3D Bioprinting Solutions合作，將首次利用雞肉細胞、植物原料製作人造雞肉。據稱為人類對食物營養及健康的生活型態日益講究加上環保意識招頭下的高科技產物。目的係追求比傳統肉類更環保又有營養的「未來肉」。3D生物打印原本屬於醫療領域，可透過生物墨水（bioink）列印各種身體組織甚至係器官，具有極大的應用潛力，不過慢慢亦都由醫療用途轉而變成商業用途， 開始有企業嘗試利用生物打印生產食物。

肯德基就話會利用一切所需嘅元素，包括調味香料及麵包粉等秘製材料，力求還原出同現時市面出售炸雞同樣的風味以及口感。不過大家唔使太期望能夠短期內喺肯德基食到打印炸雞， 因為目前只屬實驗階段， 而且成本未明， 其實3D打印肉類技術如今最大嘅難題在於生產成本，以色列都有另外一間生物科技初創Aleph Farms打印漢堡肉，但佢地聲稱每一磅肉的成本就高達100美金，成本過高係暫時未係能夠量產推出市場主因。肯德基之所以充滿信心推出未來肉，主要源於上年美國嘗試推出純植物肉的炸雞產品Beyond Meat大穫好評。

呢種生物科技培植的肉類，可能係未來糧食的新選擇。新型內類只需要消耗傳統肉類的一半能源，減少96%的溫室氣體，更可節省99%的土地面積。未來相信就係生物科技解決糧食問題的新世代，正如好多未來電影，真正的牛肉或豬肉將會成為貴族食物，一般人撳個掣打印舊肉食，無比較應該係一樣！