你知道平時夏天，成個海洋公園最受歡迎嘅景點係邊個嗎？答案係水母館，點解？除咗因為佢冷氣夠凍之外，就係因為啲水母飄下飄下咁令人非常平靜，況且啲女仔話入去影相靚喎。近日日本Sky Tree下嘅墨田水族館重開，亦都新設咗一個7米闊嘅水母缸，大家有機會去東京都會唔會想去睇下？

圖片：Sumida Aquarium

墨田水族館早前因肺炎疫情而停開，館方亦襯呢個機會進行內部翻新，其中新設嘅就有7米闊嘅水母缸「Big Schale」，入面有超過500隻不同種類嘅水母，水糟上方完全開放，等遊客可以直接欣賞水母，仲可以企上玻璃台上感受一下浸入水中嘅感覺，配上各種燈光，夢幻得黎亦相當有治癒感。

另外「Aqua Base」就可以近距離觀察水族館職員點樣準備館內生物嘅食物，除咗可以與館員直接對話，仲有親身體驗環節添！

圖片：Sumida Aquarium