{ SKIP }
文:MenClub 摯樂  圖:MenClub
POSTED ON 13 Jul 2020
【完美改革】美國Klipsch全新T5 II真無線耳機 X F1McLaren 特別版

美國影音大廠Klipsch上年伙拍一級方程式賽車麥拿侖車隊(McLaren)簽署左多年的贊助合約後,如今新出的耳機都會配有McLaren 特別版,8月Klipsch即將推出真無線藍芽耳機T5第二代就有F1 McLaren 特別版,T5第一代最出色的係佢貌似Zippo打火機特式耳機盒,今代全新改良更細小更舒適更好聲普通版依然有靚靚耳機盒,其實比我選擇,我唔會要McLaren版,我覺得Zippo打火機式耳機盒靚好多!


2019年Klipsch推出的T5真無線耳機相當成功,成為潮人最愛的耳機之人,尤其個耳機盒醒目醒神,估唔到咁快就推出改良的新T5第二代,八月初上市,包括T5 II(199美元),T5 II Sport(229美元)和T5 II Sport McLaren版(249美元)三個版本。自然作為麥拿倫車隊合作夥伴,一定力推特別版,其實賣樣來講,金屬仿Zippo打火機好樣定McLaren 個運動箱型仔?總之賣聲來講Klipsch絕對好聲!


話明第二代,改良的地方都唔少,Klipsch完全重新設計左耳機,尺寸縮細而左25%,讓耳機更貼服耳道,完全提高舒適性。同時改革新的天線設計加強藍芽連接質量,內置全新驅動器和震膜可以改善音頻質量,加左一個方便好用的透明模式,可讓您毋需除低耳機都聽到周圍的聲音。T5 II的防塵防水等級達到IP6,比舊款更高級別。Klipsch可以在藍芽連接狀態下將電池壽命保持係8個小時,另外仲可以充電3次。用家們最喜愛的耳機盒類似Zippo的外殼依然保留,而相信呢個係T5最好入手原因之一。加入咗咁多改變實際上T5第二代完全係一個新設計耳機,Klipsch仍然將價格保持係舊代定價199美元。全新Klipsch Connect應用程式提供八種語言版本。通過程式用家可進行產品更新,EQ調整,快速入門指南,故障排解,了解電池狀態以及聲音透明度控制等等。



顏色選擇方面,T5 II Sport的常規版提供黑色,白色和綠色。仲有McLaren T5 II Sport版,價格只貴20美元。擁有F1運動感招牌木瓜橙和碳纖維配色耳機盒以及無線充電板。想換耳機,唔好忽視Klipsch,比我會買T5 II Sport 打火機型耳機盒版。



由Christopher Nolan執導、史上首部全程使用IMAX菲林攝影機拍攝嘅史詩鉅作《The Odyssey(奧德賽)》,雖然要等到下年7月先正式上映,但官方卻破天荒提早一年開賣IMAX 70mm菲林版本嘅戲飛。結果反應非常熱烈,一開賣 ...
hobby
【提早一年開賣】Nolan新作《奧德賽》IMAX 70mm電影票瞬間售罄 轉手價炒貴高達16倍
21 Jul 2025
雖然新《Superman》嘅叫好叫座為DC宇宙開咗個靚頭,似乎證明James Gunn有主理一整個電影宇宙嘅能力。但由於當年Henry Caill「疑似」被James Gunn逼走,導致唔少Henry Caill影迷以至Zack Snyder版DCEU嘅Fans都對James ...
hobby
【影視】James Gunn談Henry Cavill 「權鬥致他不公平地離開」
21 Jul 2025