韓國LG即將推出一款有驚喜無線耳機產品，主打兩點吸引力，第一係防菌抗病毒自動消毒，因為佢配備有UVnano紫外線消毒充電盒，原理簡單放入就著燈清潔。第二係同英國著名音響品牌Meridian Audio合作，內置高科技“耳機空間處理”加上英式調聲，聲音質素有一定保證，係疫情世代，相信LG呢隻自動消毒耳機同口罩加洗手液係最佳出門拍檔！

LG的新耳機尚未有發售日期，只是宣佈推出，打正旗號殺菌消毒衛生抗疫，暫時型號為Tone Free HBS-FN4和HBS-FN6兩種。全部採用英國Meridian Audio技術同調聲，相信有望七月率先喺美國同歐洲上市出售。

除咗上面提到嘅消毒功能，新耳機主要主打Meridian Audio的技術，作為數碼音響技術先驅Meridian Audio最為人熟悉除左音響就係創建MQA格式，當然今次同LG合作主要係“耳機空間處理”功能，據稱可以建立一個良好嘅音場，讓耳機模擬兩聲道喇叭嘅收聽體驗。直接來講，耳機具有Meridian Audio特制的均衡器和聲音設置，包括有自然，沉浸式，低音增強和高音增強等軟件支援選項。耳機設計有入耳式貼合度，可以加強隔離無源噪音，並且具有環境聲音模式。

除左上面提到特點，同所有新款耳機類同的係擁有IPX4防水認證，具有防水功能，並支援Google Assistant的使用。電池續航時間長達6個小時，另外耳機盒仲可以額外充電兩次，並且支持SBC和AAC藍芽編解碼器等等。

如果你家庭長期處於衛生最高級別應變要求，家中有大有細要確保絕對不能染疫，選擇耳機就要健康為重，LG最新無線藍芽耳機就最適合大家！