如果呢個世界上有超人，個人認為Tom Cruise一定係目前地球上最接近呢個等級嘅人，你睇佢就黎60歲人都鬼咁矯健，拍戲無輪上山下海飛天循地全部自己做哂，比起香港某啲所謂動作明星只要唔見樣就搵替身頂上，真係令人打從心底配服。而萬眾期待嘅《Top Gun: Maverick》中佢又會有咩驚人表現？似乎就係揸戰鬥機…？

在 Instagram 查看這則貼文

No CGI here.  #TopGunMaverick #behindthescenes

Skydance（@skydance）分享的貼文 於 PDT 2020 年 6月 月 10 日 上午 8:56 張貼

點解會用「？」，係因為《Top Gun: Maverick》嘅製作公司「Skydance」，早幾日喺IG上戴咗一條短短十秒左右嘅拍攝花絮，只見一部戰鬥機以高速於極低空略過地面嘅攝製隊，產生嘅衝擊波吹起頭髮、吹郁拍攝器材、甚至吹到啲塵周圍都係，而且最後一秒更見到Tom Cruise裝哂全身裝備坐喺一個明顯離開地面嘅駕駛艙之中，條片嘅Caption仲要寫住「No CGI here」，睇落就好似話畀大家知，Tom Cruise親自揸架戰鬥機咁！

但！如無意外，呢個應該只係剪接嘅效果。因為雖然Tom Curise會於《Top Gun: Maverick》中親自駕駛二戰時期嘅P-51野馬戰鬥機同直升機，但根據製作人Jerry Bruckheimer指，美國海軍明確禁止Tom Cruise駕駛戲中出現嘅F/A-18F戰鬥機，換言之即使花絮中真係冇用CGI，Tom Cruise大概都只係坐喺後座做乘客。但做乘客做得你咁鬼型都係一種才能黎嘅！