對，又係EVA！其實自從上次嘅EVA剃刀之後，EVA仲陸續推出唔少聯乘產品，而且大多都係日常用品我哋就冇特別介紹。而今次G-Shock同EVANGELION STORE合作推出嘅「DW-6900 fear.RADIO EVA」就唔同啦，起碼佢戴得出街先呀？

睇個名你都知呢隻錶係以G-Shock嘅DW-6900為藍本，功能上亦與一般DW-6900完全一樣，唯一唔同嘅，就係隻錶嘅外表及包裝都係由《EVA》嘅官方週邊品牌RADIO EVA設計，黑身錶身上加上綠、紫兩色作點綴，錶帶上以綠色寫上「UNIT-01」再加紫色印花，明顯係以EVA初號機為藍本，而背光則用上紅色，令人諗起NERV，背蓋亦刻上初號機圖案。既有EVA嘅感覺又唔會太高調，日常出街襯衫都唔錯。

而個包裝盒上嘅文字亦用上紫色，盒身四邊就有不同EVA的頭像。