上星期講過遊戲電競耳機專家雷蛇（Razer）推出降噪耳機想打入傳統耳機市場，不過世界互通正所謂你睇我好時我又睇你好，降噪耳機霸主Bose近日就有消息公佈即將推出艦降噪耳機 QC35 II 之遊戲耳機版本打入電競耳機市場主打遊戲體驗，其實好多人錯覺加支「咪」識發光就係電競耳機，實情可能都只是名來，耳機就係耳機！

Bose一直座穩降噪耳機皇者寶座，旗下旗艦向來是業界至高標淮指標，外國網絡媒體9to5Google 近日就發掘Bose Connect App 12.0 版本的APK，得出一個新資訊，Bose即將推出遊戲電競耳機，據其指在掘到的新代碼中有一項為“Tibbers”的產品，而“Tibbers”是指《英雄聯盟》中一個名叫安妮的角色。而當中有一串代碼提到 “遊戲咪高峰”。深入挖掘後，代碼居然仲明確提到了一個名為 “Bose QC35 II 遊戲耳機 ”的產品。搵搵下網上仲搵到一段產品展示短片，短片中顯示左一個睇落係QC35 II 耳機的產品，該產品上有一個外置咪高峰，短片中表明，當咪高峰狀置插入時，耳機將無法使用藍芽功能。

作為降噪耳機界強者，進軍近年炙手可熱的電競遊戲界非常正路，相信Bose好快就會有正式公佈。然後相信2020年下半年至2021年間，絕大多數耳機廠又會一鍋瘋出產遊戲耳機 ，電競產品當道全民打機？唔怪得雷蛇（Razer）預先反其道跳返出來做音樂耳機。