橫向射擊遊戲除咗魂鬥羅之外，相信最經典莫過於1996年推出嘅《越南大戰》Metal Slug。韓國 SNK Interactive 宣佈即將開發出全新2020年《越南大戰》(Metal Slug)，新世代當然有手遊同家用機兩款，重點家用機會繼續動作射擊玩法，話會忠於原著同時以嶄新的姿態呈現，對上一次推出已經係12年前的《越南大戰7》，相信一百歲唔死都可以玩越南大戰N咁多代，經典就係無限輪迴。

幾多間外電報導指出，韓國 SNK Interactive 目前正在開發《越南大戰》(Metal Slug)家用主機及手機遊戲新作兩個不同版本《Metal Slug》手機遊戲新作預計將以橫向 2D 卡牌遊戲的方式呈現，已經開發左8成，可望今年內推出市場。而最受關注的家用主機新作則是動作射擊玩法，SNK Interactive 的 CEO 全世環（Jeon Sehwan）指出，遊戲係忠實還原的同時，將以嶄新的姿態呈現給玩家。

有趣的係官方強調兩種平台開發都係由日本公司進行，SNK Interactive 的 CEO強調與目前騰訊旗下天美工作室開發的《越南大戰》手遊並無任何關連。即係佢地開發緊呢兩個產品絕對同中國公司無關。

《越南大戰》系列反映一個世代的成長， 一定年齡層的男孩子一定玩過，SNK Interactive CEO表示，今次開發的兩款新作將會涵蓋10-20歲以及30-40歲兩個世代，同時未來的目標更要朝向每年開發一款或是多款遊戲邁進。即玩到老買到老，但一世人難道都係重重覆覆玩幾個經典大作？當然新的《Metal Slug》我又會期待睇下佢搞邊科，人就係有呢種矛盾，一邊鬧佢又翻炒，一邊又會主動睇下兒時愛Game出新款喎！