雖然話大部份漫畫改篇真人電影都……唔算好好睇啦下， 但凡事都仲有個例外，如上年上映、由山崎賢人、吉沢亮、長澤雅美、橋本環奈等人主演，漫畫原作者原泰久參與編劇嘅真人版《王者天下》就有好票房，更於3月舉行的「日本電影學院賞」拎咗包括男女配角等8個大獎。叫好又叫座之下就當然要添食啦！

官方網站於5月29日更新，指將會開始製集電影續集，亦確定飾演「信」嘅山崎賢人、「贏政」嘅吉沢亮及「河了貂」嘅橋本環奈都會回歸，原泰久老師亦會再次擔任編劇，更加為宣佈製作續集而畫咗幅支援插圖。值得留意嘅係插圖中有「羌瘣」出現，或者暗示續集中，信大小老婆終於到齊？