Facebook行政總裁朱克伯格被人問到香港問題時就話，佢正密切留意中美呢一場全球範圍嘅意識形態抗爭（battle of ideas），希望自己Facebook可以搵到一條出路，繼續為香港市民提供Facebook同WhatsApp服務。佢同時又鬧Twitter主動標籤特朗普發文為潛在假新聞佢認為科技企業「不應擔任真相仲裁者」，不過香港人可能最想知Facebook同WhatsApp日後會唔會在港生存有好大壓力，大到電腦AI會久唔久犯錯自動刪除「五毛」、「共匪」等詞彙同非政府主流的言論。

朱克伯格近日接受霍氏新聞台嘅訪問時表示， 香港用家非常喜歡facebook，尤其信任WhatsApp信息加密技術 ，對論於國安法立法，佢就話期望可以搵到一條出路繼續可以服務香港市場。而家全球來講，Facebook並無係北韓以及中國大陸提供服務，原因係呢啲地區「甚為壓迫的政策」，無法提供正常服務。不過佢提到一點就耐人尋味，佢說中美兩個國家之間呢場係真正意識形態「思想之戰」，大家都正在嘗試搞清楚佢哋之間互聯網價值以及規則。言下肯定左公司要適應香港新法則。

如果我地連Facebook同WhatsApp都唔可以再用，就真係唔知可以用咩？唔通要全城日日食月餅夾紙仔交流訊息？現時同Whatspp類似的交友軟件仲有Line,Telegram,ICQ同微信等等而同Facebook相類似的則有Twitter,Google+,Plurk,Snapchat同開心農場等等.....世界從來轉得好快，以前流行一時的ICQ都係一夕間就改變左地位.....