{ SKIP }
文:MenClub 摯樂  圖:互聯網
POSTED ON 26 May 2020
【閉門大廝殺】《睇你幾時死!》戰鬥民族上門激殺無恥警察外父

又介紹一部好痴線嘅電影畀大家,俄羅斯戰鬥民族震撼世界嘅搞笑暴力黑色喜劇 《睇你幾時死!》,超級瘋癲血腥暴力超越三級,故事簡單得來唔簡單,主角女朋友委託佢上門殺佢老豆,因為衰老豆以前強姦過佢, 而且佢老豆係貪贓枉法嘅黑警 ,於是帶住鐵鎚上門嘅主角 就展開暴力連場血花四濺鬥智鬥力嘅大殺,電影節奏快感官刺激劇情反轉笑中有淚係昆頓·塔倫天奴式的黑色爆力幽默,俄國導演Kirill Sokolov只係30歲出頭一鳴驚人,認住佢將來必有所成。

 

呢套《睇你幾時死!》故事描述在女友奧莉亞的唆擺之下,天真的麥威帶著鐵錘走去襲擊未來的岳父安德烈。點知佢面對嘅除咗係有如警犬強悍嘅超級黑警安德烈,仲有潛藏在呢一家人背後的陰暗秘密。電影充分運用嚇人的強烈暴力痛楚場景,充斥易碎爆裂家具和俄羅斯式格鬥,肯定睇到人血脈沸騰, 電影非常爆血同時又充滿喜感,難得一部戰鬥民族嘅電影受到全世界賞識全球片商購入發行就知道絕非池中物。

要合乎呢啲咁大逆不道嘅殺害唔係因為佢係警察,所有嘅社會問題其實都係源於家庭問題,呢部戲都一樣大家唔好只係睇劇情話殺警暴力,問題核心係源頭係邊?點解要殺死黑警父親, 所謂家家有本難念的經每個暴力都一定係一個非常複雜嘅家庭問題。 通常呢啲家庭都有一個家暴成癮嘅老豆,豪無地位嘅母親、同埋一個對現實絕望嘅女兒, 家庭原本係一個溫暖嘅地方, 如何變成最變態嘅牢獄,最血腥嘅鬥獸場,其實先係呢一部電影笑中有淚嘅黑色幽默之處。

 

《睇你幾時死!》故事簡介,電影三級小朋友勿睇!

 

戰鬥民族式為女死為女亡,觸發一場閉門大「私」殺!一名年輕的古惑仔找上門,要找傷害他女友的人復仇 – 對方不但是女友的父親,更是一位貪贓枉法的警察。

安德烈作為一名警察和世界上最差勁的父親,可謂接二連三引狼入室 – 對他恨之入骨的女兒、滿腔怒火的古惑仔、還有一個被人起尾注的警察。他們各自都有向安德烈展開報復的理由…

憤青麥威帶著一把鐵鎚來到女友家,決心為自幼飽受父親蹂躪的女朋友奧莉亞主持公道。孔武有力的安德烈憑著其警察觸覺,一開門已嗅到不尋常的氣息,二人繼而無可避免地在屋內展開一場血腥的困獸鬥,所有傢俬電器頓時變成致命武器;隨著殺人動機逐漸明確、眾人的陰暗面一一披露,暴力連場升級、血濺四壁,到底誰能活到最後?



由Denis Villeneuve執導嘅史詩科幻大片《Dune: Part Two(沙丘瀚戰:第二章)》叫好又叫座,截止目前全球累計票房高達5.79億美元,於各大影評網站獲得高度好評,就連名導史提芬史匹堡亦給予高度肯定,大讚《Dune 2》 ...
hobby
【影視】史提芬史匹堡大讚《沙丘瀚戰2》:我看過最精彩的科幻電影之一
28 Mar 2024
因為「掌摑事件」而沉寂咗一排嘅Will Smith,今年夏天將聯同老拍檔Martin Lawrence再次回歸大銀幕,繼續搞笑互相鬥嘴。 經典動作喜劇《Bad Boys(重案夢幻組)》最新續集《Bad Boys: Ride or Die(重案 ...
hobby
【影視】Will Smith沉寂兩年回歸!《Bad Boys 4 重案夢幻重組再重組》公開首部預告
28 Mar 2024