有留意開Marvel電影的Gentlemen可能都會清楚，《蜘蛛俠》的電影版權一直都是由Sony擁有。00年代杜比·麥奎爾主演的《蜘蛛俠》三部大收旺場，到Marvel Studio出手帶起超級英雄風，Sony當然唔會放棄呢隻識生金蛋嘅雞。但所謂雙拳難敵四手，一個蜘蛛俠（嘅叫座力）又點會夠一隊復仇者聯盟抽？加上近年的安德魯·嘉菲版成績好壞參半，於是Sony就半推半就與Marvel達成協議，令蜘蛛俠回歸Marvel的世界。

根據雙方嘅公佈，蜘蛛俠先會於其中一套Marvel作品中(預計是講「英雄內戰」的《美國隊長3》)亮相，然後在2017年7月28日上映正式由Marvel製作的《蜘蛛俠》全新系列。安德魯·嘉菲亦會卸任《蜘蛛俠》。新作會由Marvel Studio負責製作，但仍由Sony出錢、發行及擁有。