今日Netflix有套新韓劇《The King：永遠的君主》上映，話說我一睇到皇帝穿越平行時空，就諗起細個超鐘意睇江華同張可頤主演的TVB《九五至尊》，李大蝦開口埋口自稱「朕」，你可能笑我Bad Taste講TVB，但當年的TVB往日唔同今時，正如東方之珠個金漆招牌都不可同日而語，今時今日確係多人睇韓劇同Netflix，主角李敏鎬以超經典「白馬王子」造型出現係宣傳劇照當中對男士們來講係屈機驚嚇，不過無可否認而家韓劇設計嘅劇情係幾特別，唔再係時代穿越，而係異世界平行時空，兩個世界互想呼應，如果另一個時空另一個我活得更幸福，你選擇交換嗎？

另外好多人話演過《孤單又燦爛的神－鬼怪》的女主角金高銀唔夠靚女喎，其實套劇仲有女配角飾演「大韓帝國」年輕女總理的鄭恩彩比各位男士陪身邊人追劇，佢有佢睇白馬皇帝，你有你睇帝國女祕書，就合家韓情滿意。

故事由《太陽的後裔》白尚勛和《WWW請搜尋關鍵字》鄭志賢雙導演聯手，與「愛情劇女王」金銀淑編劇共同打造的《The King：永遠的君主》，劇情描述李敏鎬飾演的「理科型男」皇帝李袞，從平行宇宙來到這個世界，與想要守護朋友、愛情的「文科刑警」鄭太乙（金高銀　飾）合作，用盡方法想要關閉連結異次元的通道。

一如韓式電視劇男主角總係完美型男，預告同劇照中的李敏鎬正正魅力四射，又帝王裝騎白馬，又西裝筆挺，時而雙槳划艇，時而藍球陽光形象，完全係亞裔女子想像中的FF男友。至於女主角金高銀則一人分飾二角，既是擅長跆拳道的霸氣女刑警，在平行世界中卻是個罪犯，苦情地過著「下流人生」，你嫌佢唔夠靚女身材正佢就用表現回應佢係靠演技。

《The King：永遠的君主》4月17 起每星期五、六晚上10:30在係Netflix 獨家與韓國同日更新，有興趣絕對可以一煲，不過要放棄睇通頂煲劇法，因為佢係一集集咁出。