{ SKIP }
文:MenClub 摯樂  圖:互聯網
POSTED ON 19 Mar 2020
【死神又來了】電影《死神來了》將拍第六集今次玩死當黑警察

死神來了《Final Destination》已出左五集,九年不見,感覺再拍就會踏入港式《陰陽路》系列死極都有,好彩今次編劇帶來新意,話說今次未必是重啟但就可能有新搞作,主要死神會玩死到達報案現場的一線人員例如當黑警察,不幸消防、倒霉救護咁,話想睇下探索原本應救人掌握其他人生死的前線人員面對死神挑戰可怕災難係點?我諗呢個設定香港人應有興趣入場刺激一番,當然電影都是虛構,我真心唔想見到消防同救護遭逢巨劫。

《死神來了》第一集由2000年開始,以其殘酷到幾乎可笑的死亡場景而聞名,電影開始製造一種經典的「估你唔到」受歡迎死亡公式,前後連續集已製作左五部電影,票房達6.5億美元。

由於部部作品都係睇人點死,大家可能都開始覺得悶,所以今次如果佢地再拍就需要尋求新意義,原創作者Jeffrey Reddick最近就宣佈,這次第六部死神又又又再來電影即將會上映。

自從上一集已經有9年時光無再出死神來了,編劇認為係時候重新審視一下經典死亡場景,係絕佳時機重啟,不過佢地又強調今次唔係重啟重拍,而係有新意。改變過去大家熟悉的一切,新集會以第一線的到案人員為主角,睇住警察消防救護救人者無法自救。當然而家都仲係抗疫當中,電影肯定唔會有上映日期時間,暫時都係「吹水」時間。 

《Final Destination》最新一集編劇將由《Saw》系列電影知名編劇 Patrick Melton 與 Marcus Dunstan 兩位共同負責,我知大家點諗法, 相信編劇會識做,當然大家或者可以去佢地 Instagram 同Twitter比少少意見睇下我最期待死神玩物係點樣死,駛唔駛死埋全家咁。



以下我總結近期五大最多人信以為的假新聞同大家分享一下,最強大的假新聞係你明知係假但偏偏主動SHARE幫手傳播, 前題可能是好有趣,認為得你知道係假你豬朋友們會信以為真,講到底抗疫生活太苦悶人類需要娛樂調劑一 ...
hobby
【假亦真時真係假】武漢肺炎下近期5大最爆烈廣傳假新聞
27 Mar 2020
美國Qualcomm推出更平降噪藍芽耳機晶片方便各大小廠商量產重點係真無線耳機功能即將更強但價格可以更低。
hobby
【新型藍芽】美國Qualcomm推出更平降噪藍芽耳機晶片方便各大廠量產 ... ...
27 Mar 2020