{ SKIP }
文:MenClub 摯樂  圖:互聯網
POSTED ON 18 Mar 2020
【Hey Siri】蘋果系四代目耳機 《Powerbeats》正式推出

作為蘋果用家耳機一向首選同廠的 Beats by Dr. Dre ,貪其同蘋果手機同用Apple 的 H1 無線晶片可以即時「Hey Siri」,所以其實無論Beats點出新款耳機的銷量都唔會差。遇上疫情就直頭直接上架發佈會都可以唔駛點搞。 來到第四代目名稱唔可以44聲,就簡單叫Powerbeats,新設計較為小巧由聲稱更符合人體工程學的耳掛方式配置。值得留意返Beats已由去年開始音質上進化成調較平衡的聲音,一洗早年超低音得個Bass的污名,Apple公司學懂聲音平衡的美學開始愈來愈值得重視,用開蘋果產品的朋友非常值得關注入手。

今次全新的Powerbeats實際上同之前的 Powerbeats Pro非常接近,相較上代增強25%電池壽命,可以用足15小時。內裡採用左新 Airpods 及 Airpods Pro 的 H1 晶片,穩定性能無容置疑,可以同 iPhone 或 iPad 等進行快速配對,直接係iPhone 控制中心睇到耳機剩餘電量,亦可以使用 share audio 功能。加上IXP4 防水級別、5分鐘快速充電以及超方便「Hey Siri」的輔助功能,蘋果的用家其實唔駛點介紹,反正 HK$1,199的定價係功能同使用體驗來畀分都屬「超值」。


我過去曾諗過蘋果出新款我買返舊款功能上差小小咪超值?對不起,呢個想法經過多年蘋果體驗同驗証大家都知係唔work的,所以改潮換代的野係一路前行,好彩其實Beats的價錢向來平實,個人認為蘋果要推出更高級的蘋果自家品牌耳機,一定會推高價格,而呢樣野即將出現,想平用,買返Beats啦!講音質,對不起我作為音響發燒友從來都唔認同beats的聲音取向,不過我試過上一代無線個隻 Powerbeats Pro,不得不承認,佢地真係識「玩」左,成個調音中性左好多,起碼中高音是清晰通透左好多,身邊朋友開始一一入手,我仲觀望緊蘋果自家品牌的耳機,但Powerbeats係開始可以推薦的功能強大耳機。



首波推出將包括黑,紅,白三色,係呢!蘋果旗下出品跟機用 Lightning 插頭應該唔駛講都肯定知道吧?Powerbeats 將於 3 月 19 日在港發售,明日可以衝去買,不過提提你記得帶返個口罩先衝出去!



以下我總結近期五大最多人信以為的假新聞同大家分享一下,最強大的假新聞係你明知係假但偏偏主動SHARE幫手傳播, 前題可能是好有趣,認為得你知道係假你豬朋友們會信以為真,講到底抗疫生活太苦悶人類需要娛樂調劑一 ...
hobby
【假亦真時真係假】武漢肺炎下近期5大最爆烈廣傳假新聞
27 Mar 2020
美國Qualcomm推出更平降噪藍芽耳機晶片方便各大小廠商量產重點係真無線耳機功能即將更強但價格可以更低。
hobby
【新型藍芽】美國Qualcomm推出更平降噪藍芽耳機晶片方便各大廠量產 ... ...
27 Mar 2020