大人的科學係日本其中一本最有趣的雜志，唔止係刊物咁簡單，直頭係神級成人玩意，常常都有破格驚喜之作，今個月的3月26號推出的新號備受音響發燒友關注，唔止日本海外預訂都爆哂『標』，點解？因為佢隨刊附送堅用得的自製黑膠轉盤組合，除左播到黑膠仲可以錄音透過3.5mm線輸入直刻錄落新黑膠自製唱片？一本書仔送的玩具玩到咁大，訂唔到甚至炒起來賣都好正常！

今期大人的科學大玩簡單玩響，整個黑膠轉盤出來，跟住砌就可以出聲同錄音，堅有趣，最神奇是可以自已刻錄黑膠而真正黑膠刻錄機是超級貴的，所以玩下都已好有趣。其實中日韓台灣的音響發燒友已經爆「訂」購，如果你覺得佢會加印加印再加印，不妨趕尾注。大人的科學黑膠唱盤組合標準版為 7,980 日幣(未稅)，亞馬遜特別版為 9,480 日幣，海外朋友可以係日本亞馬遜預購，可直接寄送香港。

有趣的除左可以以自帶喇叭仔播放黑膠，套件的黑膠唱盤仲可進行空白黑膠的刻錄，大套裝包含硬體、大人の科學書、黑膠唱片、Gakken Plus、電子配件等等，套件內的黑膠盤同其他「堅」黑膠唱盤一樣可選擇 33 或是 45 轉速，內建喇叭，並具備 3.5mm 輸出與 3.5mm 輸入功能，預估組裝時間 60 分鐘，本篇刊物有 64 頁，包括黑膠唱盤本體， USB 線(供電用)， 3.5mm 聲音輸入線，黑色與白色各 5 張空白黑膠，兩枝刻錄針，單曲轉換器，每張空白黑膠以 33 轉速約可錄音 4 分鐘， 45 轉速則可錄音約 3 分鐘的音軌。除了標準版以外，另外還有日本亞馬遜特別版本，亞馬遜特別版本一口氣提供 5 張黑白、 5 張白色、 5 張黃綠色、 5 張淺藍色共 20 張空白黑膠碟以及 4 枝刻錄針，另外日本可以買到零售的空白黑膠碟與刻針讓你繼續玩落去。

唔駛多講，一睇就覺得好正，當然，玩呢D就唔好預好唔好聲，肯定唔會好聲，但好好玩！最後要提你，呢D是專門用來玩的超細黑膠，唔係大黑膠碟，留意返比例，這是出到聲的玩具而非音響！