花木蘭唔帶口罩係唔係種族歧視？早前就有一位美國黑人女Rapper （Kash Dol）好簡單出左張圖係自己IG，內圖係一班迪士尼公主帶哂口罩唯獨有「花木蘭」無帶口罩，相一出就被好多人投訴話種族歧視。佢IG仲有一句“抱歉花木蘭，但誰知道呢？”，大家來評下理，種族歧視咩野？？唔通話公主們「杯葛花木蘭」，相信呢張相都要同迪士尼真人電影《花木蘭》一樣，都要列為PG-13級家長陪同觀看。實情係外國係病左的人先會帶口罩，無病個D係唔帶，又其實咩其他國家的人先會去投訴花木蘭唔帶口罩？

轉移少少講下電影《花木蘭》真人版3月就上映，不過就係美國被列入PG-13級，係迪士尼電影中的首數，當然我知香港人對花木蘭不冷不熱，就算列入三級都無咩人理會，不過如有真正三級花木蘭肯定「紅」！PG-13級影響美國票房都肯定有少少，畢竟迪士尼玩開合家歡影片。加上大陸都唔知幾時先可以上映，真係人算不如天算。講返Kash Doll的花木蘭種族歧視事件，係外國種族歧視屬於嚴重指控。

雖然Kash Dol當時係自己的IG有寫：“（現在）機場就係咁樣。”但好多人睇就覺得佢指華人身上帶有病毒，而且都唔帶口罩。IG一出就有一大批人如網軍般湧入大鬧佢種族歧視。受到大量負評佢馬上刪除貼文，不過截圖一早已經傳開。仲要比網民串佢身為有色人種（美國黑人）本應最了解種族歧視的痛苦，居然帶頭欺凌。公道一點，其實我就覺得幅圖都無咩問題姐。

世界左膠大愛的人多的是，加上其他國家的人一呼百應，真係要好小心所有個人言論，玻璃心同玻璃肺週圍都係，保重！