話說早排有品牌出咗部摺Mon機，我同屋企人講起佢問咗我一句，「點解要出摺機呀？」我諗一諗，又係喎，點解要摺呢？唔通係貪懷舊？但如果要論懷舊，咁點都唔夠撥輪電話舊啦？咁好學太空工程師Justine Haupt咁，整個撥輪電話出黎唔係仲有Feel咩？

咁點解Justine要整個撥輪手提電話出黎呢？據佢係個人網站上講，就係因為佢覺得Smartphone功能太多太複雜，根本遠超人們能夠理解及掌控，所以佢想整一部屬於自己嘅電話，亦令佢有藉口唔覆訊息。至於佢部電話點整，講就可以好簡單，就係佢喺部舊電話到拆咗個撥輪出黎，再自己接哂啲天線呀盛呀落去塊ATmega2560V微控制器上面，然後將所有嘢裝哂入一個3D打印嘅殼到就完成。功能方面，除咗撥輪打電話，仲有一鍵撥號功能，你以為佢好Low Tech？但個機背又裝咗塊ePaper，可以顯示未接來電、電話薄、短訊等等，齋睇冇得覆。

如果你都想有返部，Justine有出售最麻煩嘅微控制器同3D打印機殼，你自己再準備好個撥輪、天線諸如此類然後裝上去就得，售價只需240美金，係咪好抵玩呢？