對好多老Game迷黎講，Atari係一個極為經典嘅遊戲公司，但講真近年佢哋究竟做緊咩呢？除咗2017年公佈、預計今年春季發貨嘅Atari VCS主機，最新搞作竟然係開酒店！

講真Atari近年係非常識得利用品牌多年累積落黎嘅價值，例如成立Atari Casino分部，以旗下遊戲版權開發賭博遊戲等。最新嘅Atari Hotel亦係利用緊品牌價值，於美國八個城市經營首個以電子遊戲為主題嘅連鎖酒店。跟據目前公佈嘅資料，除咗酒店外牆融入個成棟樓咁大個Atari標誌，內在亦會有「包括最新VR、AR技術、適合所有年齡及遊戲能力的全面沉浸式體驗」，更加有場地專門舉行e-sports活動。

首間Atari酒店將會於今年春天在美國鳳凰城開業，之後就會於奧斯丁、芝加哥、丹佛、拉斯維加斯、三藩市、聖荷西、西雅圖等七個城市開業。黎緊會去美國旅行嘅可以留意下啦！