2014年大家做咩野？記唔記得一場必敗的戰役，當年湯告魯斯（Tom Cruise）主演科幻電影作異空戰士（Edge of Tomorrow），Tom Cruise被派往前線作戰；不過由於無實戰經驗好快就陣亡，但死亡一刻就經歷馬上復活回到初抵軍營重新點重生，於是靠復活的能力，不停儲經驗值，愈戰愈強..... 有無印像？異空戰士導演宣告將會拍第二集，而更加會有新的「時間輪迴」讓劇情更加複雜。

第二集的異空戰士將會改名做「Live Die Repeat: Edge of Tomorrow」。無錯，Live Die Repeat正是呢套戲精髓，而且當年係用佢作為宣傳標語，於是第二集戲名就咁溝埋就搞掂。今時今日，「死完又死無限復活」呢種橋段唔再創新， 就好似無間道嘅概念， 如今已經有好多好多死完又死嘅電影以及電視劇集，所以第二集喺概念上必須要有更多創新嘅地方，否則只憑湯告魯斯個人魅力，好難大叫座大賣票房。

異空戰士2014 年由德格·里文 (Doug Liman) 執導電影由湯告魯斯 (Tom Cruise) 與艾美莉·賓特 (Emily Blunt) 主演，原劇本改編自日本作家櫻坂洋所創作的輕小說(All You Need Is Kill) ，以「時空旅行」為主軸，描述Tom Cruise飾演的William Cage)與外星生物對抗的過程當中，獲得「回溯時間」的能力，而他必須靠著多次輪迴的過程，找到戰爭勝利的方式，由於故事情節有趣係當時嚟講係想法創新所以得到好多觀眾的喜愛。

在 Instagram 查看這則帖子

How many whiteboards is too many? #LiveDieRepeat2

Doug Liman（@dougliman）分享的帖子 於 PST 2020 年 1月 月 14 日 11:21 上午 發佈

而近日Doug Liman導演終於正式展開續集計畫，他在 Instagram 分享一張電影團隊為時間軸構思的照片，暗示著續集的「時間輪迴」將會讓劇情更加複雜。不過雖然劇組已經開始度緊橋， 但兩大男女主角似乎仲未能夠排期， 電影暫時只係籌備階段幾時正式開拍就要等新消息。湯告魯斯嘅電影真係好多又好繁忙，職業特工隊第7同第8集同時拍攝當中，得閒死唔得閒病，拍戲無間道中。

有幾多人曾經睇過第一集， 係咪好期待佢嘅第2集呢？ 如果世界真係可以死完又死， 大家儲夠經驗值對抗壞人， 可能勝利真係好快就嚟到， 但係你唔使太開心因為你唔係重新嗰個人，你只係每一次失敗中陪死嘅嗰一位前線士兵， 最後勝利嗰條時間線可能唔係你身處緊嘅呢一條時間線，不過有盼望，係會勝利嘅。